24.04.2021 - 25.04.2021 З 24 па 25 красавіка 2021 года пройдзе выстава суккуленты, дзе можна будзе азнаёміцца з узорамі мексіканскай флоры, якія беражліва вырошчваюцца і захоўваюцца ў Фондавай аранжарэі батанічнага саду, дзякуючы карпатлівай працы і ведам навуковых супрацоўнікаў. Чаму менавіта мексіканскія экзэмпляры, спытаеце Вы? Мексіка - гэта Мека для ўсіх прыхільнікаў кактусаў. На яе тэрыторыі знаходзіцца вялізная колькасць відаў гэтых дзіўных раслін. З спрадвечных часоў кактусы выкарыстоўваліся старажытнымі індзейцамі ў ежу, ужываліся для правядзення розных абрадаў, служылі платамі. Акрамя кактусаў шырока выкарыстоўвалі і Агавы: рабілі вяроўкі, сандалі, адзенне, ужывалі ў ежу лісце і рабілі напоі. Таму, сёння, самыя цікавыя ўзоры мексіканскай флоры з Фондавай аранжарэі батанічнага саду аказаліся на выставе, арганізаванай напярэдадні адкрыцця летняга сезона Цэнтральнага батанічнага саду. Аматары гэтых раслін змогуць пазнаць больш цікавай інфармацыі і паназіраць за красаваннем асобных прадстаўнікоў суккулентаў. Кампактныя мамілярыі і астрафітумы, вялікі цефалацэрс, жахлівы феракактус, ядомыя апунцыі і іншыя не менш цікавыя экземпляры, дапамогуць дакрануцца да гісторыі старажытнай цывілізацыі, прыпадняць заслону таямніцы, якой ахутана жыццё ацтэкаў. А якую функцыю, акрамя дэкаратыўнай, выконваюць гэтыя выдатныя расліны, сёння - вы даведаецеся з зносін з супрацоўнікамі батанічнага саду, наведаўшы нашу выставу.
