Навуковы аб'ект, які з'яўляецца нацыянальным здабыткам Нацыянальным набыткам аб'яўлены калекцыйныя фонды жывых раслін і гербарый інтрадуцыраваных раслін сусветнай флоры Цэнтральнага батанічнага сада НАН Беларусі (пастанова Савета Міністраў Рэспублікі Беларусь ад 25.11.1999 № 1842). Батанічны помнік прыроды рэспубліканскага значэння Плошча батанічнага помніка прыроды рэспубліканскага значэння «Цэнтральны батанічны сад» - 93 га (пастанова Міністэрства прыродных рэсурсаў і аховы навакольнага асяроддзя Рэспублікі Беларусь ад 08.05.2007 № 47 (рэд. ад 26.06.2014). Гісторыка-культурная каштоўнасць Матэрыяльнаму нерухомаму аб'екту «Цэнтральны батанічны сад Нацыянальнай акадэміі навук Беларусі» нададзены статус гісторыка-культурнай каштоўнасці 2-й катэгорыі (пастанова Савета Міністраў Рэспублікі Беларусь ад 14.05.2007 № 578 (рэд. ад 23.08.2014) Дзяржаўная навуковая ўстанова «Цэнтральны батанічны сад Нацыянальнай акадэміі навук Беларусі» – адна з найстарэйшых батанічных устаноў Беларусі. Цэнтральны батанічны сад (ЦБС) быў арганізаваны ў 1932 г. па рашэнні Рады Народных Камісараў БССР. У 1999 г. па рашэнню Урада Рэспублікі Беларусь яму нададзены статус навуковага аб'екта, які складае нацыянальны здабытак. ЦБС аб'яўлены батанічным помнікам прыроды рэспубліканскага значэння і гісторыка-культурнай каштоўнасцю. Сёння ён з'яўляецца ўнікальным прыродным аб'ектам садова-паркавага мастацтва, які спалучае функцыі сталічнай славутасці і найважнейшага культурна-асветніцкага, эколага-выхаваўчага і адукацыйнага цэнтра. ЦБС самы буйны ў краіне цэнтр па захаванні біяразнастайнасці жывых раслін, вядучая навуковая ўстанова ў галіне інтрадукцыі, акліматызацыі, фізіялогіі, біяхіміі, біятэхналогіі і экалогіі раслін, аховы навакольнага асяроддзя. Ён належыць да ліку найбуйнейшых батанічных садоў Еўропы як па плошчы (93 га), так і па складзе калекцый раслін (больш за 15 тысяч найменняў). Асноўныя напрамкі навуковай дзейнасці Цэнтральнага батанічнага саду: эфектыўнае выкарыстанне, аднаўленне і ахова рэсурсаў расліннага свету; выяўленне фізіёлага-біяхімічных заканамернасцей і механізмаў фарміравання ўстойлівасці і прадуктыўнасці раслін; стварэнне навуковых асноў інтрадукцыі, абароны, селекцыі і кіравання працэсамі акліматызацыі і біялагічнай прадуктыўнасці гаспадарча карысных раслін на аснове традыцыйных і сучасных метадаў біятэхналогіі і геннай інжынерыі; біялагічны маніторынг, экалогія; прамысловая батаніка; зялёнае будаўніцтва і фітадызайн; выкарыстанне раслінных рэсурсаў у прамысловасці, сельскай гаспадарцы, медыцыне; вырашэнне праблем біябяспекі біялагічных метадаў і тэхналогій. Навуковы калектыў батанічнага сада распрацоўвае тэарэтычныя асновы і метады выкарыстання сусветных раслінных рэсурсаў для патрэб народнай гаспадаркі і культуры Беларусі. Распрацоўкі ўносяць значны ўклад у вырашэнне практычных пытанняў зялёнага будаўніцтва, нетрадыцыйнага пладаводства, лекавага раслінаводства, аховы навакольнага асяроддзя. У ЦБС у розны час працавалі вядомыя навукоўцы: акадэмікі АН БССР Томін М.П., Смольскі Н.В., Несцяровіч Н.Д., Годнеў Т.М., член-карэспандэнт АН БССР Мельнік С.П., доктара навук Підаплічка А.П., Бойка А.В., Кудзінаў М.А., Шкутко Н.В., Гарленка С.В., член-карэспандэнт НАН Беларусісі Сідаровіч А.А. і іншыя. На сённяшні дзень у ЦБС працуюць акадэмік НАН Беларусі Рашэтнікаў В.М. і члены-карэспандэнты НАН Беларусі Рупасава Ж.А., Ціток В.У., Торчык У.І. Сад спланаваны па батаніка-геаграфічным прынцыпе і падзелены на сектары: флоры Далёкага Усходу і краін Усходняй Азіі, Паўночнай Амерыкі, Еўропы, Сібіры, Крыма і Каўказа, Сярэдняй Азіі. У ЦБС ёсць экспазіцыйная аранжарэя, у якой наведвальнікі могуць убачыць больш за 600 відаў субтрапічных і трапічных раслін. Аранжарэя пладовых цытрусавых раслін з'яўляецца адзінай і ўнікальнай у Рэспубліцы Беларусь, у якой сабрана каля 100 сартоў цытрусавых: 60 сартоў лімонаў, каля 15 сартоў апельсінаў, 10 сартоў мандарынаў, каля 10 сартоў грэйпфрутаў. У ЦБС вядзецца падрыхтоўка навуковых кадраў вышэйшай кваліфікацыі па спецыяльнасцях: 03.01.04 Біяхімія; 03.01.05 Фізіялогія і біяхімія раслін; 03.02.01 Батаніка; 03.02.08 Экалогія (галіна - біялагічныя навукі); 06.03.03 Агралесамеліярацыя, ахоўнае лесаразвядзенне і азеляненне населеных пунктаў, лясныя пажары і барацьба з імі (галіны - біялагічныя і сельскагаспадарчыя навукі). Адрас: Рэспубліка Беларусь 220012, г. Мінск, вул. Сурганава, 2 у Тэлефоны: Прыёмная: (тэл./факс) +375 17 378 14 84 Вучоны сакратар: (тэл./факс) +375 17 242 74 83 Сектар інфармацыйна-асветніцкай работы: (тэл.) +375 17 379 69 15; +375 29 320 17 17 e-mail: office@cbg.org.by УНП 100233786 PIC 933577277