17.06.2017 - 17.06.2017 У Цэнтральным батанічным садзе Мінска пяты раз пройдзе Адкрыты чэмпіянат па прафесійнай фларыстыцы "Васільковая карона". У гэтым годзе тэма чэмпіянату: «Мода на кветкі – Мастацтва росквіту». Канкурсантам прапануецца прадставіць свой погляд на ролю тэмы флоры ў сучаснай модзе і дызайне. Тэма чэмпіянату па прафесійнай фларыстыцы вельмі сугучная з дзейнасцю батанічнага саду па захаванні біялагічнай разнастайнасці раслін сусветнай флоры, а красаванне дэкаратыўных калекцый, прыцягваючы велізарную колькасць наведвальнікаў сваёй прыгажосцю, усёй палітрай фарбаў лета, толькі пацвярджае моду на кветкі! Выстава кветак, касач і півонь, арганізаваная, у рамках чэмпіянату, навуковымі супрацоўнікамі батанічнага саду, дадасць станоўчых эмоцый, павысіць градус добрага настрою, а - залог нашага жыццёвага поспеху і працвітання. Чэмпіянат стартуе 15 чэрвеня. У гэты дзень, на тэрыторыі батанічнага сада, удзельнікі чэмпіянату пачнуць выкананне першага конкурснага задання па стварэнні арт-аб'ектаў з прыроднага матэрыялу. На працягу ўсяго летняга сезона арт-аб'екты паслужаць упрыгожаннем ландшафту саду і фотазонай для ўсіх ахвочых. Чэмпіянат працягнецца 17 чэрвеня. У гэты дзень, на тэрыторыі батанічнага сада з 14:00 да 18:00 пройдзе шырокая выстава народных умельцаў; будуць арганізаваны інтэрактыўныя пляцоўкі для дзяцей і дарослых: дзіцячы конкурс "Кветкавая карона", майстар-клас для самых маленькіх: размалёўваем гліняныя фігуркі і цацкі на кветкавую тэму, "клубнічны баскетбол" для малодшых школьнікаў, гульнятэка для дзяцей любога ўзросту. Пераможцы чэмпіянату будуць аб'яўлены на ўрачыстай цырымоніі 17 чэрвеня 2017 года ў 18.00 на пляцоўцы каля Аранжарэі трапічных раслін батанічнага саду. У праграме: - паказ чэмпіёнаў «Васільковай кароны» мінулых гадоў; - дэфіле мадэляў з аўтарскімі букетамі і аксэсуарамі ўдзельнікаў чэмпіянату. Вядучы мерапрыемства – вядомы тэлевядучы, спявак і кампазітар Герман Цітоў. У судзейскую калегію запрошаны майстры з Беларусі, Расіі, Фінляндыі і Узбекістана. Сваіх фаварытаў па-ранейшаму вызначыць і мастацкае журы, у склад якога ўвойдуць прадстаўнікі творчых прафесій. Арганізатары мерапрыемства: Юлія Багдасар'ян (імідж-дызайнер, фларыст); Сяргей Карпунін (дызайнер, суддзя Еўрапейскай Арганізацыі фларыстаў (FLORINT), суддзя шматлікіх міжнародных конкурсаў, Старшыня журы, уладальнік партала IAMFLORIST.com і школы IAMFLORIST.com) і Цэнтральны батанічны сад НАН Беларусі. Генеральны партнёр: Кампанія Cash&Carry «ProКветы». Уваход на ландшафтную зону батанічнага саду платны - 6 бел. рублёў - для ўсіх катэгорый грамадзян. Інваліды ўсіх груп, шматдзетныя сем'і, сіроты, вайскоўцы тэрміновай службы, дзеці да 6 гадоў - бясплатна. Даведкі па тэлефоне +375 17 292-69-15.
