30.07.2024 - 11.08.2024 У Цэнтральным батанічным садзе НАН Беларусі квітнеюць вяргіні! Георгін – выдатная кветка, сведка рытуалаў ацтэкаў. Ён і сёння абуджае запал, і зачароўвае сваёй незямной прыгажосцю. Асноўныя віды вяргіні растуць у Мексіцы, Цэнтральнай Амерыцы і Калумбіі. Калекцыя вяргіні Цэнтральнага батанічнага саду пачала фармавацца ў 1955 годзе. На сёння яна налічвае 220 гатункаў, якія адносяцца да 12 садовых груп. Цікавыя факты: У міфалогіі ацтэкаў гэтая кветка займае ганаровае месца, як цырыманіяльная расліна. Руская назва «георгін» кветка атрымала ў 1803 годзе па імені пецярбургскага акадэміка - географа, батаніка і этнографа Іагана Георгі. Захаваліся індзейскія назвы вяргіні - «кококсоч», што значыць «полыя сцеблы», і «акокотлі», што перакладаецца як «вадзяная труба». Дзікі від вяргіняў у вышыню дасягаў шасці метраў. Лічыцца, што індзейцы выкарыстоўвалі расліну ў якасці вадаправода. Старажытныя ацтэкі выкарыстоўвалі клубні вяргіняў у ежу, паколькі яны ўтрымліваюць інулін - рэчыва, падобнае на крухмал.