25.07.2024 - 11.08.2024 У Цэнтральным Батанічным садзе НАН Беларусі квітнеюць гладыёлусы! Ужо некалькі тысячагоддзяў нас радуе, любімая многімі расліна, гладыёлус. Родам гэтая кветка з Афрыкі, Міжземнамор'я, Сярэдніх Еўропы і Азіі, і Заходняй Сібіры. Калекцыя гладыёлусаў у Цэнтральным батанічным садзе была заснавана ў 1958 годзе. Цяпер яна налічвае 672 гатункі з трох родаў. Цікавыя факты: У былыя часы, каля 300 гадоў да нашай эры, гладыёлус лічыўся пустазельнай раслінай і дапякаў людзям. У сярэднявеччы, адвар з кветак гладыёлуса ўжывалі пры зубным болі. Быў час, калі клубнелуковицы гладыёлуса былі прысмакамі, іх смажылі або запякалі. Лічылася, што гладыёлус быў здольны абараніць ад злых духаў і іншых пошасцяў. Воіны выкарыстоўвалі яго для абароны, у якасці амулета ад пагібелі. Гладыёлус лічыцца «мужчынскай» кветкай. Букеты з гэтых кветак традыцыйна ўручаюць пераможцам, чэмпіёнам, партнёрам па бізнесе.