07.09.2024 - 01.10.2024 У цэнтральным батанічным садзе НАН Беларусі квітнее калекцыя хрызантэм. ! Хрызантэма вядомая больш за дзве тысячы гадоў і атрымала прызнанне ў многіх краінах, асабліва ў Кітаі і Японіі. Першыя гатункі з'явіліся ў ЦБС у 1965 годзе, а з 1981 года была створана самастойная калекцыя хрызантэмы карэйскай. У цяперашні час у калекцыі сабрана каля 200 гатункаў, якія валодаюць рознай формай і афарбоўкай суквеццяў, памерам куста і тэрмінамі красавання. Цікавыя факты: Радзімай хрызантэмы з'яўляецца Кітай. Хрызантэмы былі завезены ў Еўропу толькі ў XVII стагоддзі. Многія са старажытных паэтаў Японіі апявалі ў сваёй творчасці гэтыя цудоўныя кветкі. Калі мыцца кожную раніцу расой хрызантэм Вы будзеце маладыя, прыгожыя і здаровыя ўвесь год. Букет хрызантэм з'яўляецца сімвалам улады. У Японіі кожны год праводзіцца фестываль Шчасця, які прысвечаны менавіта хрызантэмам. Хрызантэмы жоўтага колеру з'яўляюцца сімвалам павагі, высокага статусу і высакароднасці. Такія кветкі звычайна дораць калегам і начальнікам.
