18.04.2024 - 07.05.2024 Прымулы каханыя шматлікімі садоўнікамі. Пры пісьменным падборы відаў і гатункаў яны могуць квітнець ад пачатку вясны - да канца лета. Прымулы адрозніваюцца не толькі тэрмінамі красавання, але і патрабаваннямі да ўмоў пасялення. "Некаторыя з іх растуць у вельмі спецыфічных экалагічных умовах. За некалькі стагоддзяў у культуры выпрабаванае прыкладна 200-250 відаў прымул." Адной з самых першых у культуру была ўведзена прымула вясновая (Primula veris L.). Сёння створаны тысячы гатункаў прымул, якія здзіўляюць незвычайнай афарбоўкай, часам двух-і трохкаляровай, а таксама махрыстымі кветкамі. Асабліва вабяць гатункі з шэрымі і зялёнымі пялёсткамі, "заштрыхаваныя" ды яшчэ і "прыпудраныя". Гэтыя невялікія садовыя расліны хоць і застаюцца аднымі з самых традыцыйных, але яны ўсё ж настолькі маляўнічыя і разнастайныя, што з поспехам заваявалі званне зорак сучаснага ландшафтнага дызайну. Цікавыя факты аб прымулах: Батанікі налічваюць каля 500 відаў прымул, распаўсюджаных па ўсім зямным шары, але пераважна ва ўмеранай зоне і ў альпійскім поясе гор. У некаторых раёнах Германіі лічыцца, што дзяўчына, якая першай знайшла на Велікодныя святы кветку першацвета, абавязкова ў тым жа годзе выйдзе замуж. У XVIII стагоддзі прымулы вырошчвалі ў аранжарэях у Расіі, а ў палацы Кацярыны II была сабрана калекцыя фарфору з іх выявай. Яшчэ ў часы кельтаў і галаў прымула ўваходзіла ў любоўны напой. Вулканолагі сцвярджаюць, што некаторыя прымулы прадказваюць вывяржэнне вулканаў. Англічане лічаць прымулы жыллём гномікаў і маленькіх фей. Адзін лісток першацвета папаўняе сутачнае запатрабаванне арганізма ў вітаміне З. У Англіі маладое лісце прымул вясной ядуць у якасці салаты, а карані ўжываюць як вострыя прыправы.
