15.05.2024 - 02.06.2024 У цэнтральным батанічным садзе НАН Беларусі квітнее калекцыя рададэндранаў. ! Род Рададэндран (Rhododendron L.) аб'ядноўвае каля 1300 відаў. Геаграфія распаўсюджвання відаў рададэндраны шырокая: ад Арктыкі да трапічнага пояса. У флоры Беларусі сустракаецца толькі адзін від – рададэндран жоўты (Лельчыцкі і Жыткавіцкі р-ны), занесены ў Чырвоную кнігу Беларусі. Фарміраванне калекцыі рададэндранаў у батанічным садзе пачалося ў сярэдзіне 60-х гадоў мінулага стагоддзя. Цяпер у калекцыі рададэндранаў Цэнтральнага батанічнага сада НАН Беларусі змяшчаецца каля 80 відаў, падвідаў і прыродных форм і больш за 140 сартоў. У апошнія гады калекцыя актыўна папаўняецца новымі гатункамі і гібрыдамі. Ва ўмовах цэнтральнай зоны Беларусі красаванне рададэндранаў пачынаецца ў 2-ай дэкадзе красавіка, часам нават раней. Першымі заквітаюць далёкаўсходнія віды. Масавае красаванне відаў і гатункаў прыпадае на другую палову траўня - першую дэкаду чэрвеня. Цікавыя факты аб рададэндранах: Радовая назва Rhododendron у перакладзе з грэчаскай азначае «ружовае дрэва». Рододендронамі з'яўляюцца і пакаёвыя (аранжарэйныя) азаліі. Рададэндроны лепш растуць і пышней квітнеюць на кіслых глебах і ў асяроддзі іглічных раслін. Практычна ўсе віды рададэндранаў атрутныя, нейкія больш, нейкія менш. Рададэндроны ў асноўным не пахнуць, толькі некаторыя гатункі маюць лёгкі водар.