10.05.2024 - 26.05.2024 У батанічным садзе заквітае калекцыя бэзу! strong> Пачатак калекцыі бэзу быў пакладзены ў 1933 годзе. А ўжо ў 60-х гадах пачалося фармаванне сірынгарыя. Асноўны фонд калекцыі ЦБС НАН Беларусі складаецца з гістарычных, класічных бэзаў - гэта перш за ўсё гатункі замежнай селекцыі (Францыя, Германія, Галандыя), а таксама гатункі краін СНД, у тым ліку расійскага селекцыянера з сусветным прызнаннем Калеснікава Л.А. У 2011 годзе калекцыя бэзу Цэнтральнага батанічнага сада атрымала міжнароднае прызнанне. Гэта перш за ўсё - белыя гатункі - Лебядушка, Абаронцам Брэста, Месячнае святло, лілова-пурпурныя - Паўлінка, Мінчанка, ружаватыя - Жамчужына, Вера Харужая, блакітнаватыя - К.Заслонаў, Партызанка. Мала распаўсюджаныя ў батанічных садах - Зорка Венеры, Беларускія зоры, Свіцізянка, Поспех, Добры настрой, Палеская легенда, Памяці А.Т. Смольскай, Несцерка. У цяперашні час калекцыя бэзу Цэнтральнага батанічнага саду налічвае больш за 200 гатункаў. Адмысловую каштоўнасць у ёй уяўляюць гатункі ўласнай селекцыі. Цікавыя факты пра бэз: Старажытнагрэцкая німфа Сірынга, у гонар якой назвалі расліну, адказвала за ідылію і радасць. Бэз вырошчваюць усяго каля 500 гадоў, але за гэты час у культуры з'явілася больш за 2300 гатункаў рознай формы, афарбоўкі і водару. Эфірны алей бэзу каштуе даражэй за золата - кошт за 1 кілаграм можа дасягаць 100 тысяч долараў. Некаторыя гатункі бэзу выжываюць пры тэмпературы -50 градусаў па Цэльсіі. Дрэва бэзу амурскай можа вырасці да 15 метраў у вышыню. Бэз пекінскі квітнее пазней за ўсіх, і мае багацейшы водар, чым бэз звычайны. Найбольш моцны водар бэз выдае ў сонечны і сухі дзень.