01.07.2024 - 14.07.2024 У Цэнтральным батанічным садзе НАН Беларусі зацвілі лілейнікі! Лілейнікі таксама называюць прыгажоднямі. Гэтыя прыгожаквітнеючыя расліны родам з Кітая і Японіі і прылеглых да іх тэрыторый адрозніваюцца разнастайнасцю афарбовак і формаў кветак. Першыя лілейнікі з'явіліся ў ЦБС у 60-х гадах мінулага стагоддзя і ўваходзілі ў склад калекцыі мнагалетнікаў. Цяпер калекцыя налічвае 5 відаў і 134 гатункі лілейніка гібрыднага. Цікавыя факты аб лілейніках: Упершыню лілейнік згадваўся ў медыцынскім трактаце, напісаным Ці Бай у 2697 годзе да нашай эры. Кітайскі іерогліф, які абазначае лілейнік, таксама чытаецца як «матчына каханне». Кветкі лілейніка былі і застаюцца часткай азіяцкай кухні на працягу многіх стагоддзяў. Кожная кветка распускаецца толькі на адзін дзень, але расліна мае мноства кветак і бутонаў.
