09.04.2024 - 05.05.2024 У батанічным садзе заквітаюць выдатныя і хупавыя магноліі! Магноліі - гэта прыгожыя дрэвы ці хмызнякі, якія растуць пераважна ў паўднёвых рэгіёнах ЗША і Азіі. Род гэтых раслін назваў Шарль Плюм'е ў гонар французскага батаніка П'ера Маньеля ў 1703 годзе. Магноліі належаць да старажытных кветкавых раслін. Яны былі паўсюдна распаўсюджаныя ў крэйдавым і троесным перыядах. Паколькі род адасобіўся ў тыя часы, калі пчол яшчэ не было, кветкі гэтых раслін прыстасаваны да апылення пры дапамозе жукоў. Цікавыя факты... У наш час былі выяўленыя закамянелыя асобнікі Magnolia acuminata узрост якіх каля 20 млн гадоў. Драўніна магноліі традыцыйна выкарыстоўваецца для вырабу похваў (Сая) і дзяржальняў (Цука) для японскіх мячоў (Ніхон то). На сёння магноліі ў культуры з'яўляюцца сімвалам і вядомым атрыбутам паўднёвых краін.
