05.06.2024 - 16.06.2024 У цэнтральным батанічным садзе НАН Беларусі цвіце цюльпаннае дрэва ! Квітанне лірыядэндрона (цюльпаннага дрэва) з сямейства Магноліевыя прыцягвае сваёй арыгінальнасцю і здзіўляе кожнага, паколькі гэта незвычайнае дрэва з лірападобным лісцем і кветкамі як у цюльпана. Лірыадэндран пачынае квітнець не хутка, а толькі праз 10-15 гадоў пасля пасадкі. Працягласць цвіцення гэтых дрэў каля двух тыдняў. І, дарэчы, гэтае дрэва - доўгажыхар. Лірыадэндран можа расці да 200 гадоў і больш. Некалькі цікавых фактаў… Як і магноліі, цюльпаннае дрэва – вельмі старажытная расліна. Вядома, што лірыядэндран быў шырока распаўсюджаны ў крэйдавым перыядзе, калі на Зямлі яшчэ жылі дыназаўры. Гэтая расліна родам з Паўночнай Амерыкі з'яўляецца нацыянальным сімвалам амерыканскіх штатаў Індыяна, Тэнэсі і Кентукі. Цюльпаннае дрэва лічыцца адной з самых меданосных раслін. Яго кветкі валодаюць лёгкім свежым, злёгку саладкаватым і далікатным водарам, які прыцягвае мноства пчол і чмялёў. Драўніна лірыядэндрону мае цытрынавае адценне і выкарыстоўваецца для вырабу музычных інструментаў, а таксама арыгінальных сувеніраў. Згодна са старажытнымі легендамі, загаданае пад цюльпанным дрэвам жаданне абавязкова выканаецца. У Беларусі лірыядэндроны сустракаюцца ў старажытных парках і батанічных садах.